La Xunta énte'l Día d'Asturies

énte la celebración pa esti domingu del Día d'Asturies, la Xunta Pola Defensa de la Llingua ta acabante d'espublizar un comunicáu nel que denuncia la ausencia total del asturianu nos actos de la celebración oficial organizada pol Principáu. Nel comunicáu,la Xunta acusa directamente al presidente Areces d'afondar nel agraviu y discriminación contra l'asturianu porque pa los actos d'esti añu "Nin siquier sigue (el gobiernu asturianu) la so política avezada d'usar
l'asturianu namás en fiestes señalaes: nin un cartel, nin un anunciu
n'asturianu". Pa la organización cívica, esta falta del asturianu nos actos del 8-s ye una vuelta de tuerca más nel procesu de marxinación del asturianu porque "Cuaya mui bien cola llinia
política que ta siguiendo: facer desapaecer el problema llingüísticu a
costa de nun falar d'él o, cuando lo fai, despreciándolu, rebaxándolu de
categoría". La Xunta camienta que'l Presidente va a la escontra del clima social favorable a la normalización, como demuestren los datos de la II Encuesta Sociollingüística, y valora qu'un Día d'Asturies ensin presencia del asturianu ye una fiesta vacía de conteníu. Calca equí pa ver el comunicáu enteru