La Xunta entama l'alcuentru d'escritores del occidente

Esti fin de selmana va facese en Cangas de Narcea'l I Alcuentru d'escritores n'asturianu occidental. La Xunta Pola Defensa de la Llingua Asturiana ye la organizadora d'esti acontecimientu que cuenta col sofitu del Gobiernu Asturianu y del Ayuntamientu de Cangas. Ente los escritores que van participar nos alcuentros ta'l poeta Inaciu Llope, el dibuxante y humorista Neto, Xuan Bello, Héctor Xil, Ramiro González o Xosepe Vega

Les xornaes van entamar a les 9:30 de la mañana del sábadu con una presentación nel Teatru Toreno de la villa de Cangas, y a les 10 va entamar la serie de ponencies el filólogu Fernando Balbuena, que va da-y un repasu a la situación de la llingua asturiana nel occidente asturianu. Darréu, el filólogu Héctor Xil va poner la conferencia «Llingua y territorialitá en Llión». La mañana del sábadu remata cola charra de Ramiro González sobre la lliteratura escrito n'asturianu occidental al traviés de la so historia. La sesión del sábadu pela tarde inclúi la presencia d'Ernesto García, «Neto», que va falar sobre la lliteratura asturiana de los trenta años últimos, pesllando la sesión l'escritor Xuan Bello, que va presentar l'homenaxe que-y va facer la Xunta Pola Defensa de la Llingua va a rendir al también escritor Xosé Álvarez, «Pin».