La Xunta Eleutoral Central amplía’l votu per corréu hasta’l día 22

Les persones que quieran votar per corréu nes eleiciones del 25 de marzu van poder facelo hasta’l día 22 pela tarde. La Xunta Eleutora Central decidió esti llunes allargar el plazu, que terminaba’l día 21.
 
Nuna resolución, l’organismo arbitral máximu comunicó a Correos que, en rellación coles eleiciones a celebrar el 25 de marzo del 2012 n’Asturies y Andalucía, "el plazu previstu de manera inicial pal depósitu nes oficines de Correos del votu per correspondencia amplíase, pa les oficines de toda España, hasta’l día 22 de marzu, nel horario habitual de funcionamientu de les oficines". Correos ha d’asegurar qu’esos votos lleguen a tiempu a los colexos eleutorales pa que, el 25-M, se metan nes urnes pal recuentu del domingu xunto coles papeletes depositaes de forma presencial.
 
Otra manera, el plazu pa solicitar les papeletes pa votar per corréu mantiénse. Polo tanto, toles persones que vayan tar ausentes de la so población el 25 de marzu y quieran exercer el so derechu al votu, tienen hasta esti xueves pa solicitar la documentación necesaria en Correos.