La Xunta Electoral manda retirar una campaña institucional del Conceyu d’Avilés

La Xunta Electoral de Zona d'Avilés dio ayeri orde de suspensión cautelar de la campaña de promoción de la "Axenda Local 21" que lleva alantre l'ayuntamientu por considerar que baltia la normativa vixente sobre actividaes de propaganda en tiempu electoral.

La suspensión respunde a la denuncia que presentare'l Partíu Popular d'Avilés, que tamién reclamare contra otres campañes institucionales, casu de la nueva campaña "Avilés Conquista" que da anuncia de la entrada en serviciu de la rede d'internet wi-fi nel conceyu, casos nos que la Xunta Electoral nun vio alteración de la norma electoral, lo mesmo que nel casu de la esposición sobre Oscar Niemeyer, na qe l'organismu electoral afirma que l'interés xeneral manda sobre cualquier otra intención que tenga la campaña.