La XDLA reclama al Gobiernu nuevu una estructura que visibilice l’idioma

La Xunta pola Defensa de la Llingua Asturiana (XDLA) pide al Gobiernu nuevu una estructura que visibilice l’idioma y qu’asegure los derechos de los falantes. Tamién solicita que se mantenga la Direición Xeneral de Política Llingüística.
 
Según esponen dende’l coleutivu ciudadanu, ye “fundamental” pa l’asturianu “la presencia efectiva nel Gobiernu de cargos con capacidá y rangu pa poder sacar alantre les midíes contemplaes na llexislación pa desenvolver polítiques afayadices pal futuru de la llingua asturiana”. Nesi sen, la XDLA pide al Executivu de Javier Fernández “abrir una dómina nueva qu'asegure, non solo los derechos básicos, sinón tamién la tresmisión interxeneracional y el prestixu públicu pal idioma”.
 
Pa llegar a esti puntu consideren necesario la tresversalidá n’Alministración. “A los tradicionales ámbitos de Cultura y Educación –onde l’asturianu ha tener la más alta representación política y alministrativa–, han sumase les demás conseyeríes que, coordinaes dende la Presidencia, tienen que tener la capacidá real de facese presentes y vertebrar tol territoriu asturianu al traviés del nuestru idioma”, espliquen. Otra manera, la organización entiende que la fusión de les conseyeríes de Cultura y Educación “nun pue suponer recortar el rangu qu'hasta'l momentu tuvo l'idioma dientro del organigrama del Gobiernu. Por eso, la XDLA solicita'l mantenimientu de la Direición Xeneral de Política Llingüística dientro de l'actual conseyería que dirixe Ana González”. Dende la XDLA entienden que la estructura nueva, amás, “pue permitir una mayor coordinación ente les midíes de promoción social y les desarrollaes nel ámbitu educativu, dos estayes fundamentales p'asegurar el futuru de la llingua asturiana”.

secciones: 

Comentarios

De xuru qu'el Pelucu (H.avier Fernández-F$A-P$O€) va facer muncho pola llingua. Yá namái fai falta saber por cuala.

Co certeza que faran tantu como  fixieron los gobiernos del  PSOE , nada!! Poro nada facen los asturianos, igual del collor que seyan!! Se esta dexando morrer i yesi ye el problema......
Si llenos de complexos queredes falar como en Castiella- facelo i dexa-y morrer la LLINGUA pola inorancia!!

¿nun yeren tana malos y faches los del Foro?, mirailos, ehí los teneis, ¿echábaislos de menos?, nun tuvieron fuera nin un añu...di-y, di-y a pedi-yos pol asturianu,di-y, a los "camarades de la izquierda", podeis consultar na propia hemeroteca d'asturies.com les declaraciones del nuevu presidente en relación al asturianu...verdesderes xoyes

Gabis