La XDLA pon un cursu d’asturianu n’Uviéu

El martes va principiar n’Uviéu’l cursu de llingua asturiana de nivel inicial que pon tolos años la Xunta pola Defensa de la Llingua Asturiana (XDLA). Ésti ta destináu a toles persones adultes que quieran deprender un bon usu del idioma.

La sede de les clases va ser el llocal del Conceyu Abiertu, asitiáu en La Gascona númberu 12, baxu. Éstes van tener un llargor de 40 hores dividíes en sesiones de dos, ente les 19 y 21 hores, los martes y los xueves. “Nél, los alumnos y alumnes van poder deprender el bon usu del idioma tanto a nivel escritu como oral”, espliquen dende la XDLA.

La matrícula pal cursu tien un costu de 20 euros pa socios y de 30, pa los non socios. Esti preciu inclúi los materiales. Toles persones interesaes pueden apuntase llamando a los teléfonos  985.22.95.53 y 679.65.09.98 o al traviés del corréu electrónicu uvieu@exunta.org. Ye importante apuntar que XDLA ye una entidá acreitada pola Conseyería d’Educación, Cultura y Deporte pa la formación permanente del profesoráu.