La XDLA entrega los Premios Críticos de les Lletres Asturianes

Esti vienres va tener llugar n’Uviéu la entrega de los Premios Críticos de les Lletres Asturianes que convoca, de manera esceicional, la XDLA. Xabiero Cayarga –en dos categoríes-  Berta Piñán y Pablo Rodríguez Alonso son los gallardonaos.

L’ausencia del asturianu nos XIII Premios de la Crítica de l’Asociación d’Escritores d’Asturies, presente nos mesmos dende l’añu 2002, cola escusa de la crisis y una baxa producción lliteraria nel idioma del país –según datos de la Xunta pola Defensa de la Llingua Asturiana (XDLA), nel 2011 espublizáronse 141 obres n’asturianu–, el coleutivu cívicu decidió convocar estos gallardones, de manera esceicional, pa reconocer el trabayu de los escritores asturianos. Asina, nacieron los Premios Críticos de les Lletres Asturianes, que van entregase esta tarde, a les 19.30, na galería uviedina d’arte El Texu (El Postigo, 13). Tres l’actu, los presentes van poder prebar Vinu de Calidá de Cangas Ḷḷumes, quesu Afuega’l pitu Cá Sanchu y choscu, ente otros productos.

Los gallardonaos, escoyíos por unanimidá por un xuráu cualificáu diferente según la estaya, foron Xabiero Cayarga, por ‘La ñeve del cuquiellu’ (poesía) y ‘El sol negru de Wewelsburg (narrativa); Berta Piñán, por ‘La mio hermana ye una mofeta’ (lliteratura infantil y xuvenil); y Pablo Rodríguez Alonso, por 'De totalitarios a «demócrates». Franquismu, fascismu y nazismu na II Guerra Mundial al traviés del diariu xixonés Voluntad’ (ensayu).