La Wikipedia n’asturianu yá ye la primera del mundu en porcentaxe de biografíes de muyeres

|
Top 10 porcentaxe de biografía de muyeres en Wikipedia

En cuatro meses, la comunidá que fai realidá la Wikipedia n’asturianu foi quien a pasar de tener un 34,4 por cientu de porcentaxe de biografía de muyeres a un 53,45 por cientu. D’esta forma supera a la galesa, que lideraba esti apartáu, nel so enfotu por frayar la fienda de xéneru na enciclopedia llibre.

La Wikipedia galesa contaba n’abril con un porcentaxe del 53,4 por cientu, qu’anguaño ye del 53,22 por cientu, destacándose dambes como les más comprometíes pa cola visibilidá de la muyer al mesmu nivel que l’home. Dambes coinciden tamién nel so enfotu pola defensa de la so llingua llariega, qu’han de convivir con otros idiomes de tantu pesu a nivel mundial como l’inglés o’l castellanu, y cuenten con una bona rellaición, como amuesa un proyeutu de traducción conxuntu que consiste na torna d'artículos sobre poblaciones de dambos países al otru idioma.

Les otres wikipedies presenten un porcentaxe muncho más baxu que l’asturiana y la galesa, siendo la siguente na llista’l surazerbayana, con un 25,21 por cientu. La española ye la sétima, con un 19,96 por cientu, y la inglesa la novena, con un 19,27 por cientu.

Contador Estadistiques