La web nueva del Adolfo Posada escaez l'asturianu

|
Web nueva del Adolfo Posada

"Dexa en papel moyao les palabres del Executivu sobre la "tresversalidá" de la política llingüística", denuncia la Xunta pola Defensa de la Llingua Asturiana (XDLA).

El llunes pasáu diose anuncia de la renovación la web del Institutu Asturianu d'Alministración Pública 'Adolfo Posada' "pa facilitar un accesu más cenciellu a tolos sos recursos y ameyorar la esperiencia del usuariu". Unos cambios nuna páxina que recibió 2,5 millones de visites y contó con 192.293 usuarios nel 2020 nos que nin la llingua asturiana nin el gallego-asturiano tienen espaciu.

"Que la web del Adolfo Posada dexe de llau l'asturianu ye otru exemplu más de la situación de precariedá que vive'l nuestru idioma y de lo necesario d'una política de normalización llingüística ambiciosa con recursos humanos y medios económicos, qu'otra vuelta ye evidente que siguen faltando", apunten dende la XDLA. La organización cívica entiende que supón tamién "una muestra más de les consecuencies de la falta d'oficialidá y de la necesidá de qu'entaíne'l procesu de reforma del Estatutu d'Autonomía".

Contador Estadistiques