La voz d'Esther Fonseca

La voz d'Esther Fonseca ye la protagonista del últimu cd de
fonoastur. "Agua" presenta a esta
muyer arropada por instrumentos como'l vigulín, el chelo, gaita
irlandesa y asturiana, guitarra, arpa, percusiones...etc, tocaos por
músicos como Yago Prado, Fernando Arias, Borja Baragaño,
Héctor Braga...etc, y hasta la banda de gaites "Mieres
del Camín" nuna pieza de calter épicu que lleva
tamién los coros del grupu infantil Xentiquina.

Na mayor parte del discu topamos un desarrollu lento de les pieces,
dexando d'esta forma que seya la voz la que tea de protagonista absoluta. Tola
música y les lletres son de Nacho Fonseca, padre de la cantante y
direutor del grupu infantil
Xentiquina,
la producción ficiéronla Héctor Braga y Nacho Fonseca nos
estudios La Factoría d'Avilés.