La Vía Carisa va ser oxetu d'escavaciones nueves

Van empezar en xunetu y van centrase nel Picu Ḷḷagüezos y en Carroceo.

La Conseyería d'Educación y Cultura, la Junta de Castilla y Lleón, y los conceyos de Ayer, Ḷḷena y Villamanín, onde tán llocalización los xacimientos arqueolóxicos, financien estos trabayos, que tienen un presupuestu de 17.000 euros. En Ḷḷagüezos yá se fixeren dos campañes d'investigación nos años 2011 y 2013, nes que s'obtuvieron resultaos que permitieron constatar la esistencia d'un campamentu romano estacional que, xunto con el de Currieḷḷos, supunxo ún de los afayos arqueolóxicos de mayor relevancia nos años últimos nel país.

Agora van facese nesi mesmu llugar llabores de desbroce, topografía y de recuperación de la cultura material, mediante téuniques arqueolóxiqueas georreferenciaes, cola ayuda de la  'metalodetección'. Too ello col oxetivu d'averiguar el posible asentamientu estacional de barracones d'agospiu de tropes del exércitu romanu na zona alta del cerru, allugamientu onde s'halló la única moneda atopada na área, asina como armes romanes diverses.

Mentes en Carroceo detectóse un relieve irregular, mui similar a los atopaos en Currieḷḷos y Ḷḷagüezos, que podría ser un sistema de fortificación d'época romana compuestu por terremplén y fosu. Los trabayos que s'executarán nesti puntu persiguen confirmar esta hipótesis, asina como l'orixe, la cronoloxía y la función de les estructuras esistentes nel terrén oxetu d'estudiu. De confirmalo, el de Carroceo sería'l tercer campamentu romanu de la Vía Carisa.

Nes escavaciones van participar cuatro arqueólogos y dellos operarios municipales, amás de restauradores. Mientres xunetu van desendolcase los llabores arqueolóxiques, pa depués dedicar los dos meses siguientes al estudiu de los afayos y a la so restauración.