La Vagamar adelanta'l so aniciu cola entrega de los Premios Timón

El domingu a les 12.30 hores nel patiu del Centru de Cultura Antiguu Institutu de Xixón.

L'actividá setembrina de l'Asociación Cultural L'Arribada, la Vagamar, adelanta'l so aniciu nel so décimu aniversariu pa facelo coincidir col Arcu Lliterariu, xornaes entamaes dientro del IV Festiva Arcu Atlánticu. Va ser cola entrega de los Premios Timón, que nesta ocasión recayeron n'Esther Prieto (IX Premiu Timón pa escritores en llingua asturiana y eonaviego), Francisco García Pérez (VI Premiu Timón p’autores asturianos en castellanu) y l'Asociación pola Recuperación de los Sidros y les Comedies 'El Cencerru' (III Premiu Timón de Cultura Asturiana).

Los gallardonaos van recibir una figura del ceramista xixonés Jesús Castañón. L'actor Félix Corcuera va encargase de dirixir l'actu, que va finar con una actuación de Taranus. Ta confirmada la presencia d'Ana Montserrat López Moro, conceyala d'Eduación y Cultura, y Xosé Nel Riesgo, direutor de la Fundación Municipal de Cultura, Educación y Universidá Popular.