La UP ufierta nuevos cursos de cultura asturiana

|
La UP ufierta nuevos cursos de cultura asturiana

Últimos díes pa poder matriculase nos dos cursos n'asturianu de la Universidá Popular de Xixón. El plazu acaba'l día 10 de febreru.

Esti cuatrimestre la Universidá Popular ufierta na so programación dos nuevos cursos de cultura asturiana cola novedá de que se van dar n'asturianu. El plazu pa poder matriculase acaba'l día 10 de febreru.

El primeru d'ellos, Topónimos de Xixón: orixe y significáu, tratará de dar a conocer l'importante patrimoniu cultural que conformen los nomes de los llugares, ya que'l traviés d'ellos podemos llograr abundante información sobre l'orixe d'esos nomes, del territoriu y de les persones qu'ellí habiten. Va ser los martes y xueves a partir del 16 de febreru nel CMI d'El Llano y una duración de 10 hores.

El segundu va tratar el tema de la normalización y la dinamización llingüística en diferentes coleutivos de la sociedá actual, asina como los recursos culturales esistentes en Xixón y Asturies que se puen utilizar pa ello. Esti cursu titúlase 'Dinamizar actividaes en llingua asturiana: medios y recursos', va empezar el 9 de marzu y va ser los martes y xueves nel CMI d'El Llano. Duración 20 hores. 

Amás,  el cursu 'Llingua asturiana: iniciación' va entamar el día 15 de febreru. Esti ye un cursu práuticu nel que se realizarán exercicios orales y escritos pa deprender vocabulariu y gramática, y nel que se van ver tamién dellos aspeutos rellacionaos cola cultura asturiana, como la mitoloxía, los deportes tradicionales o los estilos musicales.

Contador Estadistiques