La Universidá respuende a la marea negra

Si en Galicia la Universidá de Vigo tien un web que ye la meyor referencia p'atopar información sobre la marea negra, la Universidá d'Uviéu ta preparando tamién un especial propiu sobre los efectos del galipote del Prestige na costa asturiana qu'inclúi semeyes de satélite cola situación de les manches y un foru onde dexar y intercambiar opiniones.

El profesor de bioloxía marina José Luis Acuña ye'l coordinador d'esta páxina especial que vien a apaecer xusto agora que'l Gobiernu del estáu, un mes depués d'entamar esti asuntu, anuncia que van dar información oficial actualizao al través del web del CSIC. Hasta agora, la información técnico sobre'l Prestige había que dir a buscalo a páxines portugueses y franceses.