La Universidá d'Uviéu suspende les clases

Plantega al Gobiernu facelo efeutivo dende esti vienres, calteniendo l'actividá investigadora y llaboral na institución.

La Comisión de Xestión de los Efeutos de la COVID-19 na Universidad d'Uviéu, formada pol equipu rectoral y la xefa del Servicio Médicu, aconceyó esta mañana colos responsables de facultaes y escuelas, deciendo suspender tola actividá docente presencial. Ayeri yá nun se punxeron clases nel campus del Milán depués de que se-y diagnosticara COVID-19 a una estudiante italiana d’Erasmus na Facultá de Filosofía y Lletres, qu'agora s'amplía a tolos centros universitarios.

La midida sería efeutiva dende mañana, pendiente entovía de la confirmación por parte del Gobiernu. "La Universidá pondrá a disposición del estudiantáu y del profesoráu ferramientes en llinia pal siguimientu telemáticu de l'actividá docente. Coles mesmes, estudiaráse la reprogramación de les práutiques en centros educativos y sanitarios", comunicó la institución.

Esta suspensión temporal nun va afeutar a l'actividá investigadora nin llaboral. L'accesu a biblioteques y otros servicios de la Universidá d'Uviéu va tar reguláu, mentes que les instalaciones deportives van tar atrancaes.