La Universidá d'Uviéu, ente les 12 que cumplen colos requisitos del decretu d'universidaes

|
Edificiu Históricu de la Universidá d'Uviéu

Nel Estáu hai 88 instituciones universitaries, de les que 50 son públiques y 38 privaes.

El borrador del Real Decretu de Creación, Reconocimientu y Autorización d'Universidaes y Centros Universitarios, nel que ta trabayando'l Ministeriu d'Universidaes, afita una serie de requisitos que se centren na docencia, investigación y tresferencia de conocimientu, que s'han de cumplir pa ser considerada universidá. Namái 12 los cumplen anguaño, ente ellos la Universidá d'Uviéu.

D'esta forma dende'l Gobiernu estatal preténdese finar con centros que se venden como universidaes pero que funcionen práuticamente como academies. Asina pa ser reconocíes han contar con polo menos diez títulos oficiales de grau, seis de máster y trés programas oficiales de doctoráu de trés de las cinco grandes ramas del conocimientu, esto ye, Inxeniería, Ciencia, Ciencies Sociales y Xurídiques, Humanidaes y Ciencies de la Salú, cola esceición de les politéuniques.

L'actividá investigadora tamién ye imprescindible pa tener la consideración d'universidá. Los centros van disponer 5 años pa cumplir con estos requisitos dalgo que, de momento, sólo faen la Universidá d'Uviéu y les de Lleón, Vigo, Santiago de Compostela, Sevilla, Córdoba, Granada, Almería y La Laguna, y les politéuniques de Madrid, València y Cartagena.

Contador Estadistiques