La Universidá de Primavera aporta p'abrir un espaciu de reflexón

Entámala l'Institutu Asturies 2030.

Dende esta tarde y hasta'l sábadu van celebrase n'Uviéu conferencies, alderiques, talleres y paneles d'esperiencies sobre la Xunión Europea y el so futuru, tema escoyíu pa esta primer edición coincidiendo col 25 aniversariu del Tratáu de Maastricht. "¿Pa ónde camina Europa tres acontecimientos como'l Brexit que demuestren l'aumento del euroescepticismu y acontecimientos como les eleiciones holandeses del marzu pasáu, onde se salvó el primer pilancu de las dereches al frenar les urnes a un candidatu racista y antieuropeísta que llegó a liderar les encuestes? Ensin escaecer l'espoxigue de Le Pen en Francia o les eleiciones alemanes n'ochobre, onde posiblemente podría entrar nel Parllamentu un partíu d'estrema derecha", analizaráse na Universidá de Primavera, centrándose sobre manera en cómo va afeutar esta situación a Asturies y al Estáu.

L'alderique que va abrir l'actividá va tener llugar nel edificiy del Pavu Real a les 19 hores, y va tener el nome de '¿Una salida de la crisis? Pero, ¿por dónde? Derechos socialies, cuidados y medio ambiente', con David Rivas, Inés Campillo, Jara Coscuella y Luis González Reyes, y la moderación de Celso Miranda. A esta actividá van siguir les siguientes:

• El Manglar (21 hores): presentación de los llibros 'Reanudación de las hostilidades', de Nacho Vegas, y 'Purpurina y percebes', de Fee Reega. Presenta, Xandru Fernández.
• Edificiu del Pavu Real (mañana, 18 hores): 'La industria de la felicidad. Capitalismo, malestar social y recetas de mansedumbre', con Jorge Moruno, Juan Ponte y José Carlos Sánchez González. Modera, Xana Ebrecht.
• Edificiu del Pavu Real (mañana, 19 hores): 'Un fantasma recorre Europa. Crisis, xenofobia y alternativas democráticas a la Europa del euro', con Adriano Campos, Héctor Illueca y Paz de Andrés. Modera, Diego Díaz.
• Edificiu del Pavu Real (sábadu, 11.30 hores): '¿Qué pasa en Siria? Guerra, imperialismo y crisis de refugiados', con Augusto Zamora y Beatriz Vázquez. Modera, María Valvidares.
• Edificiu del Pavu Real (sábadu, 13 hores): '¿Qué hacer? El momento político?', con Carolina Bescansa, Manolo Monereo y Emilio León. Modera, César Rendueles.

Na semeya, Laura Tuero, coordindadora del Institutu Asturies 2030, y los tamién organizadores Diego Díaz y Xana Ebrecht.