La Universidá avanza nel recuentu de les víctimes de la Guerra Civil

L'área d'Historia Contemporánea de la Universidá d'Uviéu sigue alantre col so proyectu d'evaluación de los muertos na Guerra Civil n'Asturies y asitiamientu de foses comunes. Con motivu de la presentación de la renovación del conveniu presupuestariu que da pa esti llabor la Conseyería de Bienestar Social, los investigadores que lleven esti proyectu, encabezáu pola profesora de la Universidá d'Uviéu Carmen García, apurrieron datos actualizaos sobre les foses comunes de la guerra n'Asturies. Ello ye que'l censu actual de víctimes anda yá peles 23.000, amestando guerra y posguerra, siendo los conceyos d'Ayer y L.lena los que presenten un mayor númberu d'enterramientos

Ello ye que'l censu actual de víctimes anda yá peles 23.000, amestando muertos na guerra y víctimes de la represión de la posguerra, siendo los conceyos d'Ayer y L.lena los que presenten un mayor númberu d'enterramientos

N'acabando la investigación nel añu 2008 va facese una base de datos que va formar parte del Archivu Históricu asturianu, pa que families, asociaciones y investigadores puean consultar ónde hai enterramientos de la Guerra Civil y quien son les persones qu'hai nellos, xunto con información sobre la fecha y circunstancies de la muerte.