La Universidá acueye los Alcuentros de Primavera

|
Cartelu Alcuentros de Primavera 2018

L'Institutu Asturies 2030 entama alderiques n'Uviéu con espertos sobre temes centrales de l'axenda política y social del país.

L'economista Enrique Pañeda, la filósofa Carolina del Olmo y la profesora d'Economía de la Universidá d'Uviéu Begoña Cueto van abrir esta tarde la segunda xornada de los Alcuentros de Primavera que tán teniendo como sede l'Edificiu Históricu de la Universidá d'Uviéu nesta segunda edición. 'Un estado del bienestar verde y feminista' ye'l nome d'esta actividá que va comenzar a les 18 hores.

Darréu, a las 19.30 hores, los xeógrafos Manuel Maurín y Amalia Maceda, y el profesor d'Economía de la Universidá d'Uviéu Xosé Alba van falar sobre 'La Asturies vacía. Alternativas a la crisis demográfica'. Nesti alderique van analizase les posibles recetes frente al avieyamientu y la despoblación del país.

Mañana van siguir los alderiques al meudía con una única mesa redonda, baxo'l nome 'Otra idea de España. Un republicanismo para el siglo XXI'. Nella van participar l'escritor Xuan Bello, la teórica feminista Yayo Herrero y los filósofos Eugenia Palop y César Rendueles.

Contador Estadistiques