La Unión Hotelera llanza una aplicación pal móvil qu’ufierta información turística d’Asturies

|

L’aplicación permite acceder a información de tolos agospios asociaos a la Unión Hotelera del Principáu d’Asturies y a una axenda d’actividaes turístiques, culturales y gastronómiques. Una ferramienta mui útil pa asturianos y visitantes.
 
Pa poder facer usu d’esta aplicación, los usuarios han de tener un móvil diseñáu cola teunoloxía Windows Mobile, Symbian o Blackberry, y introducir nel navegador web de la terminal la direición http://m.ehotelesasturias.com. D’esta forma, les persones que tenga una reserva fecha a través de central de la Unión Hotelera del Principáu d’Asturies, www.ehotelesasturias.com, van poder ver nel so móvil tola información del hotel, horarios, menús del restaurante y servicios estras de la instalación, amás d’una axenda con toles xornaes gastronómiques, fiestes patronales y dellos eventos d’interés n’Asturies nos 30 díes siguientes.
 
A esta axenda tamién van poder acceder aquelles persones que nun tienen reserva, un serviciu al qu’hai qu’añadir el de GPS naquellos teléfonos que cuenten con esta opción. Asina, los usuarios van poder ver tolos agospios esistentes nun radiu de 30 kilómetros y solicitar la ellaboración d’una ruta hasta l’hotel seleicionáu nesi mesmu momentu.

Contador Estadistiques