La UNESCO declara a Ponga Reserva Mundial de la Biosfera

|
Ponga

Ponga ye ún de los 24 llugares que la UNESCO ta acabante de declarar Reserva Mundial de la Biosfera. D’esta forma conviértese nel sétimu espaciu del país n’algamar esti reconocimientu que pon en valir los sos valores medioambientales y la so biodiversidá.

El Conseyu Internacional de Coordinación del Programa de la UNESCO sobre l’Home y la Biosfera decidió ayeri na so reunión celebrada n’Indonesia otorgar esti títulu a Ponga. El comité estatal del mesmu solicitara en setiembre la distinción pal conceyu asturianu, qu’agora yá ye una realidá.

Na web de la Organización de les Naciones Xuníes pa la Educación, la Ciencia y la Cultura (UNESCO, poles sos sigles n’inglés) destácase de Ponga los “verdes y fondos valles con picos vertixinosos, pasu hacia viesques de fayes. La mayoría de la so vexetación consiste en viesques caducifolies mestes, compuestes por especies como alisos, fresnos, castaños, carbayos y ablanos. La rexón contién numberoses especies animales, munches d’elles protexíes, como l’osu pardu, el gallu montés occidental, el llobu gris y l’águila real”.

Con esta distinción, Asturies pasa a contar con siete territorios que son Reserva Mundial de la Biosfera. Asina, Ponga súmase a Somiedu; Munieḷḷos; Redes; Picos; ríu Eo, Ozcos y Terras de Burón; y Penubina-La Mesa.

Contador Estadistiques