La última estrena de Woody Allen llega a les pantalles del país

La última producción de Woody Allen llega a les pantalles
asturianes. Col títulu de "El sueño de Casandra"
estrénase esti drama protagonizáu por Ewan McGregor y Colin
Farrel y que vien a completar la "triloxía londinense" del
director norteamericanu -axúntase a les anteriores "Match Point
" y "Scoop". La película cuenta la historia de dos
hermanos con apuros económicos a los que va ayudar un tiu suyu
millonariu. Sicasí l'ayuda nun-yos va salir gratis yá qu'esti va
obligar a los dos a inflinxir la llei.

Per otru llau apaez esta selmana nos cines del país un xéneru
que nun suel tener sitiu nes sales: el documental. Col títulu de
"Tierra" estrénase
un documental ellaboráu al empar que la serie de la BBC
"Planet
Earth" sobre la vida natural nel nuesu planeta, enseñando los
diferentes cambios d'estaciones y d'habitat que podemos topar a lo llargo del
planeta. Esti documental ye obra de Alastair Fothergill y Mark Linfield,
autores de la película "Deep blue". Mas estrenes y tolos
horarios na nuesa
cartelera.