La última de los Coen, nes estrenes de la selmana

"Ladykillers" la última película de los hermanos Coen, autores de comedies prietes como Fargo y películes como "muerte ente les flores" y "El gran Lebowsky" ye la estrena más estacada de la selmana nes pantalles delpaís. El filme, protagonizáu por Tom Hanks, cuenta la historia d'un garapiellu de xente raro por demás que preparen un plan p'atracar un casino flotante.

Xunta esta película tamién se presenta nes pantalles asturianes l'adaptación americana del clásicu de la lliteratura griega sobre la Guerra de Troya, con Brad Pitt nel papel d'Aquiles, el míticu guerreru griegu que tien de tomar la plaza fuerte de la ciudá d'Ileon.

D'otra banda, tamién llega'l drama con "Levity", filme d'Ed Solomon con Billy Bob Thornton (Monster's Ball) nel papel d'un asesín acabante salir de la cárcele que se compromete a defender a la hermana del rapaz qu'elli asesinare.

Estes estrenes y toles demás películes que puen vese nos cines asturianos pues consultales na cartelera d'Asturiactiva, l'axenda d'ociu asturiana