La TPA reduz la duración de los informativos por falta de personal

L’ente públicu de comunicación reduxo esti martes en diez minutos la duración del informativu del meudía. Esta midida, que tamién va afeutar a les ediciones de la fin de selmana, va ser permanente pola falta de personal na TPA.

Asina, la primer edición de TPA Noticias, que s’emite de llunes a vienres, y los informativos de la fin de semana, tanto na so primer como segunda edición, pasen de 40 a 30 minutos. L’ente públicu de comunicación esplicó qu’esta mengua débese a la falta de personal tres el zarru de corresponsalíes y el cese de contratos con delles productores que trabayaben na redaición y producción de los informativos de la cadena pública.

Mentes, TPA va mantener la duración de la segunda edición de TPA Noticias y el tiempu dedicáu a los deportes en toles ediciones de los informativos.