La toponimia tradicional de Villayón yá ye la oficial

|
La toponimia tradicional de Villayón yá ye la oficial

El Boletín Oficial del Principáu d’Asturies (BOPA) espublizó esti llunes el decretu que determina los topónimos oficiales nuevos de Villayón, los tradicionales en sustitución de la castellanizaos. Esti conceyu del occidente del país ye’l númberu 60 en dar esti pasu.

Depués que’l pasáu 6 de xunu’l Conseyu de Gobiernu diera’l prestu al espediente toponímicu de Villayón, namái quedaba’l pasu de la espublización nel BOPA del decretu pa iguar la toponimia del conceyu. D’esta forma los nomes de llugar oficiales anteriores, castellanizaos, queden derogaos, siendo los únicos válidos los asturianos.

Parḷḷeiru por ‘Parlero’, Ponticella por ‘Ponticiella’ y Busmente y Eirías por ‘Busmente-Herías-La Muria’ son les parroquies que ven modificaes el so nome a partir del estudiu fechu pola Xunta Asesora de Toponimia que recibió l’aprobación del Plenu de Villayón. Tamién camúdense topónimos menores, como por exemplu San Cristuebu (por ‘San Cristóbal’) y La Ḷḷiera (por ‘La Linera’), o rexístrense otros nun referenciaos hasta’l momentu como Los Penóis n’Arbón o Los Carbayones n’Oneta.

Con Villayón yá son 60 los conceyos qu’igüen la so toponimia, mentes que los 18 restantes tán en procesu de facelo. Éstos son Uviéu, Cabrales, Llanera, Castropol, Cuaña, Les Regueres, Onís y Somiedu, nuna fase avanzada; y Cuideiru, Ayande, Caravia, Ibias, El Valle Baḥu de Peñamellera, Salas, Navia, Pravia, Muros y Eilao, en diferentes momentos.

AdxuntuTamañu
PDF icon BOPA toponimia oficial Villayón365.45 KB
Contador Estadistiques