La tonada protagoniza l’actividá musical d’esta fin de selmana

Turón y Tereñes, esti vienres, y Gallegos, el sábadu, van vivir trés cites cola tonada. Los festivales de les dos poblaciones mierenses tán encuadraos na actividá ‘Conciertos nel valle’, mentes que’l pueblu rioseyanu celebra les sos fiestes.
 
Pa esta tarde, a partir de les 20 hores, nel Atenéu de Turón, ta prevista la presencia de los cantantes Nori Redondo, Ismael Tomás y Francisco Queipo, que van tar acompañaos na gaita por Francisco José Álvarez. Julio César Baragaño va encargase de presentar el festival, nel que tamién va tomar parte’l grupu de teatru ‘La Luz de Ceares’. Mentres, pa mañana, a la mesma hora en Gallegos, van actuar Carlos Alonso Peñayos, el Che de Cabaños y Chucha de Nembra xunto cola giata d’El Pravianu.
 
El conceyu de Ribeseya tamién va vivir una xornada cola tonada como protagonista esta tarde dientro de les actividaes de les Fiestes de la Nuesa Señora de les Nieves, en Tereñes. A les 20 hores van principiar les actuaciones de trés de los valores mozos de la tonada asturiana: Anabel Santiago y Marisa y Fernando Valle Roso, que van tar acompañaos a la gaita por Pablo Carrera, miembru del grupu folk Duerna. L’encargáu de presentar l’actu ye’l monologuista Velino’l Rilu.