La Tertulia Pachín de Melás va aldericar sobre’l movimientu republicanu en Xixón

El Chigre Cantábricu acueye esti vienres una edición nueva de la Tertulia Pachín de Melás, qu’entama Unidá Nacionalista Asturiana (UNA). Nesta ocasión, el tema a tratar nel alderique ye 'Republicanismu en Xixón: ayeri y güei'.

P’abrir l’alderique, la organización convidó a Sergio Sánchez Collantes, historiador y especialista en republicanismu en Xixón y Asturies, y autor del llibru ’Demócratas de antaño. Republicanos y republicanismos en el Gijón decimonónico’; y con Rafael Velasco Rodríguez, miembru de la Federación Asturiana Memoria y República (FAMYR), organización dedicada a la recuperación de la memoria histórica y del republicanismu en xeneral. Los dos espertos van tratar esti tema “tanto dende una perspeutiva histórica como dende de lo que significa'l republicanismu na ciudá anguaño nes sos dimensiones política y social”. L’encargáu de presentar y moderar la tertulia va ser Faustino Zapico.
 
La hora de comienzu d’esta edición nueva de la Pachín de Melás, abierta a toles persones interesaes, ta prevista pa les 20.30 hores. El Chigre Cantábricu ta asitiáu frente a los Xardinos de la Reina, na cai Muelle del oriente númberu 3.