La temporada d’esquí va allargase una selmana más n’Asturies

José Ramón Tuero, direutor xeneral de Deportes, anunció esti miércoles que la temporada d’esquí va allargase una selmana más pola cantidá de nieve acumulada nes estaciones. Asina, ésta va zarrase’l 7 d’abril y non el Domingu santu.

La presentación del XXII Memorial Meter Gulley-Open Internacional de Surf Goanna Pro, tradicional prueba de surf que se celebra en Tapia en Selmana Santa, foi’l llugar escoyíu por Tuero p’adelantar una decisión del Gobiernu que, ensin dulda, va ser bien recibida polos esquiadores asturianos. La nieve acumulada nes estaciones de Valgrande-Payares y Fontes d’Iviernu ye lo que permite ampliar la temporada una selmana más.

El sector turísticu de los conceyos de Ḷḷena y Ayer venía demandando al Executivu esta midida, al igual qu’entidaes y clubes deportivos. Hai que destacar que la primer selmana d’abril coincide coles vacaciones escolares de Selmana Santa.