La tasa de positividá de COVID-19 baxa al 3,93 por cientu esti martes

|

Na xornada rexistráronse 117 contaxos y hebo que llamentar la muerte de 7 persones.

A falta de conocer los datos oficiales de la COVID-19, que nun s'actualicen dende'l vienres, la Conseyería de Salú comunicó que la tasa de positividá d'ayeri foi del 3,93 por cientu tres la realización de 4.458 pruebes de diagnósticu d'infeición activa, cuando'l llunes s'asitió nel 4,88 por cientu. Ye la segunda más baxa de les selmanes últimes –el sábadu quedara en 3,41 por cientu– depués d'algamar el mes pasáu cifres d'hasta'l 11 por cientu, cuando la Organización Mundial de la Salú (OMS) marca nun 5 por cientu la llende pa tener controlada la pandemia.

No que respeuta a los positivos, detectáronse 117. Son 4 menos que'l día anterior y inferior la media de la selmana pasada, que s'afitó en 125.

Un total de 7 pesones perdieron la vida na xornada: cuatro muyeres de 86, 81, 72 y 60 años y trés homes 97, 84 y 72, de los qu'ún vivía nuna residencia de mayores. Dende qu'entamó l'andanciu finaron 1.258 ciudadanos cola enfermedá causada pol coronavirus SARS-CoV-2.

Por último, hai hospitalizaes 444 pacientes con confirmación o sospecha de COVID-19, a los qu'hai que sumar 92 que tán na UCI. Son 36 y 7 menos que'l llunes.

Contador Estadistiques