La Sociedad Bíblica va facer una grabación dramatizada del Nuevu Testamentu

Un audiu dramatizáu pa poder sentir el Nuevu Testamentu n'asturianu. Ye’l proyeutu nuevu de la Sociedad Bíblica, responsable de la edición de la traducción de la Biblia a la llingua asturiana, pa lo que busca voluntarios que pongan la so voz a esta iniciativa.

L’oxetivu “ye llevar la palabra de Dios a tolos requexos de la comunidá asturiana y facela accesible a aquellos que nun son a lleela por sigo mesmos”. Una xera pa la que soliciten collaboración ente los cristianos del país.

La xente interesao en participar ha unviar una grabación de voz cola llectura del Capítulu 1 del Evanxeliu de San Xuan n’asturianu (edición del 2021) enantes del día 25 al corréu electrónicu lafevieneporeloir@sociedadbiblica.org. La Sociedad Bíblica va ponese darréu en contautu coles persones seleicionaes, a los que se-yos va dar “les orientaciones necesaries con cuenta d’asegurar la calidá y coherencia de la grabación”, pa entamar col llabor a partir del 5 de xunu.