La sociedá asturiana movilízase na rede nel Día de les Lletres Asturianes

Les redes sociales tamién quieren sumase a la reivindicación coincidiendo col Día de les Lletres Asturianes. Una campaña, na que participa Asturies.com, circula pela rede col oxetivu de facer Trendic Topic la etiqueta #oficialida. 
 
Los usuarios asturianos de Twitter tán desenvolviendo esta campaña pa que la etiqueta #oficialida algame la portada de la rede social como Trendic Topic. Pa ello faen un llamamientu a que les persones que manexen Twitter usen esta etiqueta na so actividá na rede social como manera de festexar y reivindicar los derechos civiles de los asturiano falantes nel Día de les Lletres Asturianes que se celebra güei.
 
Asturies.com súmase a esta campaña, y a lo llargo del día va dir esbillando nel so perfil en Twitter y en Facebook pallabres n'asturianu, siguiendo l'exemplu de los perfiles de la Xunta pola Defensa de la Llingua Asturiana y Doi la Cara, asina como topónimos oficializaos de los conceyos asturianos.
 
Cualisquier persona que quiera sumase a esta iniciativa ciudadana tien a la so disposición el Diccionariu de l'Academia de la Llingua Asturiana y los Decretos de Toponimia conceyu a conceyu.