La Sidra de Mazana d'Escoyeta pon a la venta la collecha 2016

|
La Sidra de Mazana d'Escoyeta pon a la venta la collecha 2016

La marca de calidá apuesta un añu más pola sidra nuevo nestos primeros meses.

Trabanco, Peñón, Foncueva y Muñiz, los cuatro llagares que producen sidra baxo la marca Sidra de Mazana d'Escoyeta, presentaron ayeri nel Muséu del Pueblu d'Asturies la producción procedente de la collecha del 2016. "Va dar muncho que falar. Creemos que va destacar pola su calidá grande, porque contamos con una sidra mui equilibrada y mui bien compensada", apuntó José Manuel Riestra, presidente de Sidra de Mazana d'Escoyeta, qu'emponderó la mazana recoyida l'añu pasáu.

La producción d'esti añu yá ta disponible dientro y fuera d'Asturies, vendiéndose nestos primeros meses la sidra nuevo, ensin trasegar. Esta bébora "ye muncho más moza y tienra, y presenta un sabor más afrutáu que la sidra que se consume'l restu del añu".

1,5 millones de botelles

Pese a que nun se pue falar de cifres oficiales, yá que la producción baxo esta marca de calidá ha de pasar nos meses próximos los controles de calidá esixíos, los llagareros cuenten con superar les cifres del 2016 "en llinia col crecimientu sosteníu de los años últimos”. Asina, apunten que nesti 2017 podríen algamar los 1,5 millones de botelles.

 

Contador Estadistiques