La sidra, con moderación, actúa como un medicamentu pal colesterol y la diabetes

Asina lo afirma un estudiu acabante presentar pol Conseyu Regulador, que confirma otros que se fixeren primero y qu'afita la so condición cardiosaludable

El Conseyu Regulador de la Denominación d'Orixe Protexida (DOP) Sidra de Asturias presentó güei les conclusiones d'esti estudiu col que s'enfota en que la sidra pue ser una bébora con un valor añedíu importante y valga pa revitalizar la imaxe de la sidra como productu  beneficiosu pa la salú, siempre que se tome con moderación.

L'estudiu inclúi les trés clases de sidra acoyíes a la DOP, les llamaes sidra natural d'escanciar, sidra natural filtrao o de mesa y sidra espumoso con carbónico natural- y les conclusiones afiten quye toes tres apurren beneficios ente les enfermedaes cardiovasculares, y la diabetes, poles sos propiedaes antioxidantes y antiinflamatories.

Vicente Fernández-Nespral, xefe de Ciruxía del Hospital Universitariu Madrid Monteprincipe, y ún de los autores del estudiu considera que  con moderación "la sidra actúa como un medicamentu" ya que amenorga los niveles de colesterol, faciendo medrar el llamáu colesterol bono. No que toca a la diabetes, ayuda a controlar la glucemia.

Esti estudiu confirma otros anteriores qu'aportaben a les mesmes conclusiones.

Semeya de Sidra l'Allume nel IV Primer sidre l'añu nel Muséu del Pueblu d'Asturies (Xixón)