La SGAE quier parar la música

La Sociedá Xeneral d'Autores convoca pa esta xornada'l "Día ensin Música" col que quier protestar pol espardimientu de la piratería, que, según datos dela Sociedá llevó a una mengua del 6% na venta de discos l'añu pasáu. En teles medíes de protesta, les radiofórmules dexarán una hora de poner discos y habrá bien de tiendes que tranquen tamién el mesmu tiempu. Los aristes que más defenden a la SGAE tamién fadrán actos públicos Los argumentos de la SGAE, acusada de ser un órganu corporativu recaudatoriu que favorecez a los artistes con munches ventes y que nun fae un res pol restu de los músicos, nun tienen el preste de tola xente implicao nel mundu de la música. Tampoco'l del sector hosteleru, al que-y cobra comisiones ensin tasa, nin tampoco'l de muncha xente ayeno al mundu de la música pero que se ve afectao poles propuestes de la entidá que dirixe Teddy Bautista. Una de les últimes idegues de la SGAE consiste ná menos que en tasar los discos de grabar porque consideren que los más d'ellos van acabar usándose pa piratiar música. Nel web alternativu Puta SGAE y na páxina del dia de la música independiente, alternativu a la convocatoria de la SGAE, pues ver bien d'artículos argumentando contra la política de la SGAE, y tamién escritos d'artistes famosos que nun tan d'alcuerdu cola Sociedá d'Autores, como Kiko Veneno