La seronda va llegar esti vienres a les 11.05 hores y va durar 89 díes

|

Esti añu la seronda va entrar el vienres, 23 de setiembre, a les 11.05 hores y va allargase hasta’l 22 d’avientu, según avanzó l’Instituto Geográfico Nacional. En total, la estación va tener una duración de 89 díes y 20 hores.
 
L’aniciu astronómicu de les estaciones vien dau, por conveniu, como l’instante en que la Tierra pasa por una determinada posición de la so órbita alredor del Sol. Esta posición, nel casu de la seronda, ye dende la que’l centru del astru rei vistu dende la Tierra crucia l’ecuador celeste nel so movimientu aparente hacia’l sur. Esta circunstancia llámase equinocciu de seronda y el día en qu’esto sucede, la duración del día y la nueche práuticamente coinciden. Nesi mesmu instante, nel hemisferu sur entra la primavera.
 
L’equinoccio de seronda pue dase en cuatro feches distintes que van del 21 al 24 de septiembre. A lo llargo del sieglo XXI, el fin del branu va tener llugar los díes 22 y 23 de septiembre –fecha oficial estatal–, siendo’l so aniciu más tempraneru’l del año 2096 y el más tardíu’l del 2003. El motivu pol que la fecha varía d’un año a otru débese al mou de la secuencia de los años según el calendariu, yá qu’unos son bisiestos y otros non, cola duración de cada órbita de la Tierra alredor del Sol, conocida como añu trópicu. Otra manera, esti añu’l cambiu d’hora ta previstu pal 30 d’ochobre.

Contador Estadistiques