La Semiente entama una charra sobre la Educación Llibre

El Centru Social La Semiente va celebrar una charra-alderique esti xueves sobre la Educación Llibre a cargo de los responsables de La Escuelina y La Arboleda. Los presentes van conocer de primer mano estes dos esperiencies.
 
En concreto, les persones responsables de La Escuelina y La Arboleda van esplicar qué ye la Educación Llibre y les formes distintes d’educar, y van dar a conocer los proyeutos qu’anguaño tán furrulando n'Asturies nesi sen. Una bona forma p’averar a esti aspeutu educativu desconocíu por gran parte de la población.
 
La charra-alderique va principiar a les 20 hores nel propiu centru social, asitiáu na cai Eladio Jove númberu 6 de L’Entregu.