La Semiente da entamu a l’actividá nel so llocal con una ‘timba poétika’

El Centru Social La Semiente celebra esti viernes una ‘timba poétika’ que va servir pa dar aniciu a les actividaes nel llocal d’esti coleutivu. Otra manera, los miembros de l’asociación ellaboraron un vidiu pa dar a conocer el proyeutu.

 

La ‘timba poétika’ va principiar a les 21.30 hores nesti centru social nuevu de L’Entregu asitiáu na cai Eladio Jove, númberu 6. L'actividá va mecer poesía y les téuniques audiovisuales más modernes pa disfrute de los presentes. DJ Antistailo va tar a los platos, mentes que Pablo X. Suárez, Miguel Allende, La Turka y Sergio S. Taboada van ufrir los sos versos xunto con dellos poetes llocales.

 

Otra manera, los integrantes de l’Asociación Cultural La Semiente ellaboraron un vidiu nel que dan a conocer el so proyeutu, que naz col oxetivu de dinamizar la vida social y cultural de L’Entregu y de tola cuenca’l Nalón.