La 'Semana Negra' dedica un alderique a la lliteratura asturiana y la traducción

Cola participación de Francisco 'Paco' Álvarez, Antón García y Pablo Suárez García, y la moderación de Vanessa Gutiérrez.

Baxo'l nome de 'Lliteratura asturiana y traducción', va celebrase esta tarde, a les 20.15 hores, na carpa 3 de la 'Semana Negra', asitiada nos terrenos del vieyu astilleru Naval Xixón, nel barriu d'El Natahoyo. L'alderique, como bien indica'l so títulu, va centrase nel llabor de la traducción d'obres al nuesu idioma.

Una hora enantes, na mesma carpa, Álvarez va presentar 'Lluvia d'agostu', novela que l'añu pasáu llevó'l XXXVI Premiu Xosefa Xovellanos. Esti actu va contar cola presencia de Daniel Álvarez.