La selmana nel Úlos?

Esta cuarta selmana del mes d'abril dio pa muncho nel buscador de webs asturianes úlos?. Ello ye qu'entró de tolos palos y ensin tasa. Por entamar pelo más simpático, constatar que más criadores de pitos de caleya tan apuntándose a salir pela rede. Neto que les asociaciones de vecinos, como la de Vega - La Camocha en Xixón. Sicasí, los meyores diseños vienen en webs de xéneros que normalmente nun suelen destacar pola so factura. Un partíu políticu qu'entra esta selmana son Los Verdes d'Asturies, una agrupación acabante de refundar. Yá pa rematar falaremos de la estaya deportiva, que ta creciendo bastante de va unes selmanes p'acá y na que rescampla, por guapu, el web del Club Oriente d'AtletismuPa dar d'alta un web nel buscador Úlos? nun hai namás que rellenar esti formulariu. Pídese que nun soliciten l'alta webs que nun tengan un conteníu rellacionáu con Asturies.