La Selmana Negra nun va volver celebrase nel esterior d'El Molinón

L'alcaldesa de Xixón, Paz Fernández Felgueroso, confirmó güei, en rueda de prensa nel recintu ferial, que la Selmana Negra nun va poder volver a celebrase nel esterior d'El Molinón, d'alcuerdu a la sentencia qu'obliga a que'l certamen s'ubique a más de 500 metros del edificiu Gacela, frente al estadiu, del cual los sos vecinos denunciaron va unos años l'escesu de ruiu y les molesties causaes pol festival de novela negra.

La rexidora indicó que se va aconceyar colos organizadores deL eventu pa conocer la so opinión sobre la continuidá de la Selmana Negra y el so posible futura ubicación.

Fernández Felgueroso esplicó que'l Conceyu solicitara un esclaramientu al xuez que dictó la sentencia sobre la obligatoriedá de los 500 metros. La respuesta, que llegó hai 15 o 20 díes, ye que nun yera necesariu, ya que'l fallu xudicial dexábalo bien claro. L'alcaldesa llamentó esta situación porque lo de los 500 metros "nun vien en nenguna normativa", foi una midida fixada pol peritu, y recordó que nes dos últimes ediciones del certamen nun s'interpunxo nenguna denuncia.

"Va haber que buscar un nuevu sitiu", señaló. "Lo meyor yera'l que tenía", agregó, tres añadir que yera bonu porque se podía dir a pie.

Sicasí, apuntó que ya cambió n'otres ocasiones y mostró'l so deséu de que la nueva llocalización seya del gustu de los vecinos, pa torgar futuros problemes.

La rexidora también esplicó que la sentencia basóse nuna ordenanza de Mediu Ambiente que se modificó posteriormente. Nella decíase que se podíen salvar los metros de distancia de les fiestes con relación a los edificios, pero sólo se falaba del ruiu esterior, ensin incluyir l'interior del propiu recintu o llugar de celebración. Más tarde, modificóse y s'incluyó'l ruiu interior na escepcionalidá de la distancia. Fernández Felgueroso aseguró que toles ciudaes apliquen esa escepción, porque sinón nun diben tener fiestes.

L'alcaldesa de Xixón, Paz Fernández Felgueroso, confirmó güei, en rueda de prensa nel recintu ferial, que la Selmana Negra nun va poder volver a celebrase nel esterior d'El Molinón, d'alcuerdu a la sentencia qu'obliga a que'l certamen s'ubique a más de 500 metros del edificiu Gacela, frente al estadiu, del cual los sos vecinos denunciaron va unos años l'escesu de ruiu y les molesties causaes pol festival de novela negra.

La rexidora indicó que se va aconceyar colos organizadores deL eventu pa conocer la so opinión sobre la continuidá de la Selmana Negra y el so posible futura ubicación.

Fernández Felgueroso esplicó que'l Conceyu solicitara un esclaramientu al xuez que dictó la sentencia sobre la obligatoriedá de los 500 metros. La respuesta, que llegó hai 15 o 20 díes, ye que nun yera necesariu, ya que'l fallu xudicial dexábalo bien claro. L'alcaldesa llamentó esta situación porque lo de los 500 metros "nun vien en nenguna normativa", foi una midida fixada pol peritu, y recordó que nes dos últimes ediciones del certamen nun s'interpunxo nenguna denuncia.

"Va haber que buscar un nuevu sitiu", señaló. "Lo meyor yera'l que tenía", agregó, tres añadir que yera bonu porque se podía dir a pie.

Sicasí, apuntó que ya cambió n'otres ocasiones y mostró'l so deséu de que la nueva llocalización seya del gustu de los vecinos, pa torgar futuros problemes.

La rexidora también esplicó que la sentencia basóse nuna ordenanza de Mediu Ambiente que se modificó posteriormente. Nella decíase que se podíen salvar los metros de distancia de les fiestes con relación a los edificios, pero sólo se falaba del ruiu esterior, ensin incluyir l'interior del propiu recintu o llugar de celebración. Más tarde, modificóse y s'incluyó'l ruiu interior na escepcionalidá de la distancia. Fernández Felgueroso aseguró que toles ciudaes apliquen esa escepción, porque sinón nun diben tener fiestes.