La Selmana de les Lletres llega a L.lena

La Selmana de les Lletres asturianes va llevar delles de les sos actividaes a La Pola L.lena, onde la estaya de Cultura del Conceyu va facer llegar obres de teatru n'asturianu a públicos adultos e infantiles. "Interditu o Pleitín d'Aldea" a cargu de la Compañía Asturiana de Comedies y una obra sobre la Mitoloxía Asturiana de Mari Luz Pontón van ser les dos obres que van representase a lo llargo de la selmana qu'entra.


El teatru n'asturianu va entamar el miércoles 3 de mayu a les ocho la tarde cuando la Compañía Asturiana de Comedies va representar la pieza costumista "Interditu o Pleitín d'Aldea" mientres que'l sábadu día 6 a les siete la tarde los personaxes mitolóxicos de Mari Luz Pontón van entretener a la reciella nel mesmu escenariu.

Otramiente, coincidiendo cola celebración de la Selmana de les Lletres Asturianes, la estaya de Cultura del Ayuntamientu de L.lena asoleya tamién la convocatoria del IV Certame de Teatru Popular Asturianu "Vital Aza" abiertu d'equí al 15 d'ochobre, en qu'acaba'l plazu d'inscripción, a toles persones interesaes con obres inédites de temática llibre siempre y cuando s'adapten a les característiques del teatru popular y tean escrites n'asturianu.