La Selmana de les Lletres celebra l'alcuentru de les lliteratures hispániques

Dientro de los actos de la XXVIII Selmana de les Lletres asturianes, esti miércoles 2 de mayu, a les 19 hores, va celébrase nel Aula Magna de la Universidá d'Uviéu un alcuentru d'escritores de lliteratures hispániques.

Rafael Reig, en representación de la lliteratura española, Álex Susanna, pola lliteratura catalana, l'escritor n'euskera Kirmen Uribe, Ramiro Fonte, lliteratu gallegu, Chusé Inazio Navarro, representante de la lliteratura aragonesa y l'asturianu Xuan Bello van xuntase pa debatir sobre aspectos de les narratives hispániques.