La seleición UEFA clasifícase pa la fase final

|
Seleición asturiana UEFA en Calamonte contra Extremadura

Los de Xiel tornaron a derrotar a Extremadura pola mínima nun partíu esixente.

Nun foi una eliminatoria fácil la d'Asturies col combináu estremeñu. El gol asturianu llegó na prolongación nuna contra finada pol delanteru del CD Tineo Juanín, minutos enantes de qu'Adrián Torre detuviera un penalti al llocal Chema. Un tantu, que de xubir al marcador, provocara la llegada a la prórroga.

Asturies tuvo un plantegamientu valiente, pero acabó sufriendo nel Estadiu Municipal de Calamonte énte'l lóxicu aceleríu final d'Extremadura. Sicasí, el gol llegó pal bandu asturianu tres delles intervenciones de méritu del porteru del Unión pa colocar un 2-0 nel global y algamar el pase a la fase final estatal de la X Copa de les Rexones UEFA, na qu'espera Ceuta, que remontó'l 3-2 que rexistró n'Andalucía al ganar 2-0 de llocal el pasáu día 10.

Mañana ta previsto'l sortéu de dicha fase final, que tien como feches el 25 y 27 de marzu, na sede de la Real Federación Española de Fútbol. Castilla y Lleón y Castilla-La Mancha completen el cuadru, al quedar exentes de la fase intermedia de la Copa. El campeón estatal disputará la fase europea colos vencedores de les otres federaciones afiliaes a la UEFA.

Semeya obra de la Real Federación Asturiana de Fútbol.

 

Contador Estadistiques