La reforma del Hospital de Xarrio va comenzar la selmana qu’entra

|
Hospital de Xarrio

Les obres que van permitir l’ampliación del númberu de places nel centru de día y n’Hemodiálisis del Hospital de Xarrio van principiar la selmana qu’entra. El centru que da serviciu al occidente va lliberar tamién una zona n’Urxencies pa destinala a urxencies pediátriques.

El proyeutu, que ta cofinancáu pol Fondu Européu de Desarrollu Rexonal (Feder), prevé la reubicación de les árees alministrativas nun edificiu únicu, lo que va dexar llibres espacios interiores pa destinalos a l’actividá asistencial. Amás, agruparánse les zones d’espera de consultes nun espaciu común, próximu al antepar principal, y instalaráse un sistema de xestión dixital de cites y llamaes nuevu, al traviés de pantalles, que favorez la confortabilidá de los pacientes y aumenta la confidencialidá.

Na zona que dexe llibre la sala d’espera actual van habilitase trés consultes nueves, que van sumase a otres trés que se van crear na planta superior. El serviciu d’Hemodiálisis reorganizaráse p’aumentar el númberu de puestos y pa llograr un ambiente más agradable pa pacientes y profesionales, mientres que los aseos destinaos a los usuarios adaptaránse pa facilitar l’accesu de persones con movilidá escasa y dotaránse de vestuariu.

Diez places más

Tamién va incrementase les places del hospital de día, hasta algamar la decena, y van ampliase les sales principal y de control. La reforma nesta zona complétase col afayamientu de dellos llocales d’apoyu, como un bañu accesible pa pacientes y árees pa llencería.

D’igual forma va entamase una intervención nes Urxencies Xenerales pa lliberar una zona de pasu y destinala a urxencies pediátriques. Toes estes obres tienen una inversión por parte de la Conseyería de Sanidá d’un millón d’euros, a lo qu’hai que sumar l’equipamientu.

Contador Estadistiques