La recuperación del Antroxu tradicional uvieín protagoniza una charra en La Llegra

Ánxel Nava va esplicar cómo celebraba la población esta folixa y el llabor de los Mazcaritos.

'Mazcaritos d'Uviéu. La recuperación d'una mazcarada tradicional' ye'l nome de la charra-alderique que va poner l'artista esta tarde, dende les 19 hores, nel Llar La Llegra. Una actividá que pretende dar a conocer cómo se vivía l'Antroxu tradicional na ciudá y el trabayu que ta faciendo esti coleutivu pa recuperar unos festexos populares.

La comparsa ye anguaño reconocible pa munchos ciudadanos, yá que lleva dende'l 2017 saliendo a la cai pa correr l'Antroxu, asina como pa pidir l'aguilandu. Hai referencies de la mazcarada, que desapaeció dafechu col franquismu, dende'l sieglu XIX.