La recuperación de Canellada

Con motivu de la celebración de la XXIII edición de la Selmana de les Lletres Asturianes, Asturies.com convida a visitar esti especial dedicáu a la figura de Maria Josefa Canellada, figura homenaxeada nesta selmana del añu 2002. Desapaecía en 1995, la autora piloñesa dexó pocu volume escrito, pero la so aportación cualitativa a la lliteratura n'asturianu de dempués de la Guerra Civil ye de les más importantes a tener en cuenta. La llingüista y escritora yera una partidaria decidida de la oficialidá del asturianu, que defendía que tenía que dase "caiga quien caiga". Ello nun quitaba pa que dacuando nun se mostrare crítica col modelu d'asturianu estandar que taba iguándose d'aquella. María Josefa Canellada ye tamién l'autora qu'abrió'l camín a la lliteratura infantil n'asturianu cola so obra
"montesín".

Como yá ye tradición, espublícense llibros rellacionaos col autor que se celebra. Esti añu, la Conseyería de Cultura reparte de baldre un volume con testos de dellos autores sobre la persona y la obra de María Josefa Canellada al mercar mañana llibros n'asturianu, mientres que la editora Alborá Llibros presenta un volume con una antoloxía d'escritos de l'autora. El llibru preparáu pola Conseyería puede conseguise tamién al mercar esta selmana lliteratura n'asturianu a través d'Asturshop, la tienda asturiana n'internet con servidor de pagu seguru