La Quintana entama'l cursu

La escuela de música tradicional de Xixón "La
Quintana" entama un nuevu cursu, siendo yá con esti cinco los años de
vida d'esti proyectu que quier cubrir en Xixón un espaciu que
l'alministración nun fai un res por atender como ye'l de la formación nesta estaya de la música tradicional.

Los profesores de la escuela son Xuan Nel Exposito, curdionista de
"Felpeyu", que pon clas cola acordión diatónica, Santi Caleya, gaiteru
de "La Bandina" y del desapaecíu grupu "Folkgando" y
direutor de
"La Viga Travesá", ye'l mayestru de gaita asturiana. David Varela,
percusionista de "La Bandina" va ocupase de les clases de tambor
asturianu y Daniel García de la Cuesta, del grupu Lliberdón, pondrá clas de
vigulín y bandurria.

Tamién hai clas de tonada, que pon Horacio Huerta, cantante
collaborador de grupos como "Lliberdón", y collaborador
tamién nel últimu discu de "Hevia", y de zanfona, que
pon Jose Angel Llaneza. Amás tamién hai un requexu pa la guitarra y pa
clases de baille.

La escuela ufierta tamién clases de solféu y actividaes
rellacionaes col folclor pa intertar dar una formación lo mas completa
posible a l'alumnáu. Los locales de la escuela tan na "Escuela
Publica Rey Pelayo", y podéis ponevos en contactu con ellos nesta
dirección retueyu@terra .es o llamando al 616134895.