La Quintana arranca un añu más

La Escuela de Música Tradicional Asturiana La Quintana de
Xixón entama'l que yá ye'l so sestu cursu.



La Escuela de Música Tradicional Asturiana La Quintana ye una
iniciativa privada que desenvuelve la so actividá nel conceyu de
Xixón. Dende va seis años La Quintana ufierta un espaciu pa que
los xixoneses puedan deprender a tocar dellos instrumentos asturianos,
amás d'intentar averar a los alumnos al mundu de la cultura tradicional
asturiana en xeneral.



La Quintana tien la so sede na Escuela Pública "Rey
Pelayo", y ellí los profesores ponen clas de gaita, curdión
diatónicu, vigulín, bandurria, tonada, baille, zanfona, guitarra,
tambor y percusión. Como novedá esti añu la escuela
ufierta clas d'harpa céltica, instrumentu presente na tradición
musical asturiana y que cuenta con dalgunos músicos n'Asturies. Ente los
profesores de la Quintana podemos topar a Xuan
Nel Expósito pa les clases de curdión diatónicu,
Diego
Pangua pa les clases de gaita,
Daniel
García de la Cuesta col vigulín y la bandurria o Horacio
Huerta profesor de tonada.



La matrícula ta abierta pa esti cursu, y pa ponese en contacto
cola Quintana bien pue pasáse pelos locales de la mesma o llamar al 687
83 07 02 ó 616 13 48 95.