La protesta llega a la Conseyería

Esti vienres, un garapiellu de militantes de la Xunta Pola Defensa de la Llingua mangáronse en teyáu de la sé de la Conseyería de Cultura n'Uviéu, siguiendo la campaña de protestes qu'esta organización cívica ta entamando contra les recientes decisiones del Gobiernu asturianu cincantes a la Llingua Asturiana, y pidiendo les dimisiones del presidente Areces y del Conseyeru de cultura Fernández Vallina, contra'l que se cantaron consignes como "sí, sí, sí Vallina pa Madrí". Los manifestantes, que tuvieron abondu apoyu na cai, baxaron del teyáu del edificiu hacia les tres de la tarde ensin que se diere problema nengún coles fuerces de seguridá. Podéis ver equí más semeyes de l'acción.