La presión popular lleva a Agua de Cuevas a correxir un topónimu nuna publicidá

Usaba 'Naranjo' pa referise al Picu Urriellu.

Una campaña entamada en redes sociales llevó a Aguas de Cuevas a correxir una publicidá. Baxo la etiqueta #PonPicuUrriellu, propuesta pol actor Joaquín Pajarón, numberosos usuarios reclamaron la igua del cartelu que se podía ver en dellos espacios publicitarios esteriores del país.

Nellos citábase 'Naranjo' pol nome 'Naranjo de Bulnes' pa referise al emblemáticu picu asturianu. Nun tardaría la empresa en correxilo tachando 'Naranjo' y incorporando 'Picu Urriellu' y el lema en castellanu "os hemos escuchado" xunto con #PonPicuUrriellu.